Ыам ыйын 7 күнүгэр, Дьокуускай куораттан хоһуйар литературнай түмсүү » Уран тыл оһуора» Тимофеева- Михайлова Раиса Николаевна салайааччылаах Өлүөнэ очуостарыгар күүлэйдии ааһан иһэннэр,Улахан- Ааҥҥа  Аан -Аартык К.К. тохтоон ыалдьыттаатылар. Бары төгүрүк остуол тула түмсэн олорон хоһуйбут хоһооннорун аахтылар,бэчээттэтэн таһаарбыт кинигэлэрин олохтоох библиотекаҕа бэлэхтээтилэр. Ол курдук: Тимофеева- Михайлова Раиса » Тапталтан тыллыбыт иэйиилэр», Тумусова Прасковья- Туску » Олоҕум ыллыга», Иванова Степанида- Санаара » Ыраас санаам» уо.д.а. Үөрэ- көтө бары хаартыскаҕа түһэн,айан сылаалаах суолуттан астына, дуоһуйа сынньанан, махталларын эттилэр.  Кинилэри итии чэйдээх,минньигэс астаах остуолга көрүстүлэр » Уран тыл оһуора » түмсүүгэ бииргэ алтыһар Фёдорова Туяра — Тууйа, хоһоон ааҕааччы,хоһуйааччы Марков Тимофей, Улахан — Аан түмсүүлэрин салайааччыта Черёмкина Р.А. уонна олохтоох библиотека үлэһитэ Трифанова А.В.