Саха сирин ийэлэрин күнүгэр аналлаах Ийэҕэ аналлаах- хоһоон айыытыгар дистационнай күрэх балаһыанньата:
🟤Тэрийээччилэр : Аан-Аартык сынньалаҥ киинэ.
🟣Күрэх алтынньы 13-19 күнүгэр диэри.
🟤 Күрэх ирдэбилэ: Күрэххэ сааһыттан тутулуга суох кытталлар. Бэйэ суруйуута, Ийэ туһунан — биир хоһоон ирдэнэр.
🟣кыттааччы толору аата
🟤Кыттааччы хоһоонун ватсаабынан 89148217241 нүөмэргэ ыытар, кыттыы иһин 50 солк моб.бааҥҥа 89841023995 ыытаҕыт!
Кыайыылаахтарга грамоталар туттарыллыахтара. Хоһооннор инстаграм страницатыгар, сайтка таһаарабыт.
Түмүгү дьүүллүүр сүбэ быһаарыа.


Конкурс кыттыылааҕа Вера Степановна Соломонова

Ийэбэр

Аптаах тыла сирдиир курдук,
Эйэҕэс мичээрэ сырдатар курдук
Үтүө  санаата ыйар курдук,
Ийэм миэнэ мэлдьи баар курдук

Кэрэ ырыата дьиэрэйэр курдук,
Нарын куолаһа иһиллэр курдук,
Кэпсэтэ-ипсэтэ сылдьар курдук,
Ийэм миэнэ мэлдьи баар курдук

Куруук ыйан-кэрдэн биэрэр курдук,
Тэбис тэҥҥэ сылдьыһар курдук,
Сылаас ытыһа имэрийэр курдук,
Ийэм миэнэ мэлдьи баар курдук

Соломонова В. 13.10.2020г. 


Хоһоон күрэҕин кыттыылааҕа Зоя Афанасьевна Тимофеева

Ийэбэр махталым.

Күн сирин көрдөрбүт
Күн күбэй ийэбин,
Ардыгар суохтуубун ,ахтабын.
Чуҥкуйар, санааргыыр кэмнэрбэр,
Эн истиҥ мичээргин саныыбын.

Оо ийээ,элбэххэ эн миигин үөрэттиҥ
Олоҕу таптыырга,үлэни кыайарга
Кэрэни кэрэхсии көрөргө
Сырдыгы ыралыы сылдьарга.

Дьиэ кэргэн олоҕун тутарга
Муударай тыллары эппитиҥ,
Оҕону урууну иитэргэ
Элбэхтик такайан ииппитиҥ

Ийэкээ махталым эйиэхэ улаха!
Күн сирин көрдөрөн,
Үтүөҕэ ииппиккэр.
Олоҕум тухары, тапталы биэрбиккэр.
Оо махтал! Оо махтал!
Күн күбэй ийэкээм.


Хоһоон күрэҕин кыттыылааҕа Татьяна Трофимовна Лукина

ИЙЭБЭР.

Мин бүгүн чуумпуга сытаммын
Санаатым ийэбин бу баардыы…
Сарсыарда чэй иһэ олорон,
Бу илэ кэпсэтэр курдукпут.

Ол күүстээх, ыарахан үлэттэн
Эн эрдэ да кырдьыбыт эбиккин…
Ол ону туоһулуур курдуктар
Чэрдийбит, эн, илиилэриҥ…

Үлэни эн өрө туппутуҥ,
Үлэттэн атыны билбэтиҥ,
Үлэттэн дьоллонор эн этиҥ,
Үлэни чиэстээхтик кыайарыҥ.

Суохтуубун эн истиҥ мичээргин,
Суохтуубун эн сылаас илиигин,
Ол эрэн, салҕанар ситиммит
Эн биэрбит инники олохпут.


Хоһоон күрэҕин кыттыылааҕа Зинаида Семеновна Иванова

Ийэбэр махталым.

Ульяна Петровна Макаровага.

Уран тыл кэрэтин
Уобарас он,орон,
Уустуктаан суруйан
Мин хоьоон айабын.

Махталлаах санааттан тылламмын
Хоьоонньут дьоннорго холбоьон
Ийэбин ахтаммын
Иэйиим киирдэ,бу бугун

Аастыйбыт баттахтаах
Ийэбин суохтуубун,
Ааспыт кэми санааммын
Аргыый уеьээ тыынабын.

Ийэм истин мичээриттэн
Кунум ичигэстик тыгар этэ…
Ийэм кэрэ тылларыттан
Сирим симэгэ тыллар этэ…

Хатын,ыр нарын мессуен,н,ун
Хатыламмат кэрэгин
Хараастан олорон
Хартыына он,оруох этим…

Тапталлаах ийэбин
Туулбэр мэлдьи керсебун.
Оо,онтон уерэбин
Арчылыыр мин ийэм,диэммин.

Зинаида Иванова


Хоһоон күрэҕин кыттыылааҕа Туяра Пантелеймоновна Федорова (Тууйа)
СИПСИЙЭН ЫЛЛАҺАРЫМ ИЙЭБИНИИН.

Оҕо сааспар эргиллэммин
Хонуу устунан дайабын,
Ойон-тэбэн эккирээммин
Халдьаайыга тахсабын.

Мэник тыалга куустараммын
Хатыҥнарга сөрөнөбүн,
Мааны мастан тутуһаммын
Хата тохтуу биэрэбин.

Чугдаарар ырыа ханна эрэ
Иһиттим ону долгуйа мин,
Чуораанныы лыҥкыныыр кэрэ
Иһирэх куолаһы сэргээммин.

Сүрэҕим сэрэйдэ, кини кимин
Бу матыыбы билэр эбиппин,
Сипсийэн ыллаһарым Ийэбиниин
Бүөбэйдиир миигин киһибиниин.

Утуйар уубар угуйа ыллаан
Ыраах сирдэринэн кэритэрэ,
Уоскулан куйаарга арыаллаан
Ыҥыран үрдүккэ көтүтэрэ.

Остуоруйа дойдутугар аҕалара,
Араас дьиктилэри көрдөрөрө,
Онно баҕа санаам туолара,
Алыптаан-абылаан сөхтөрөрө.

Түүлүм куотта тыаллыын тиэтэйэ
Сарсыарда турдум кинини сайыһа,
Түннүкпэр күн уота көөчүөктэннэ
Сарыалы хоспор эргиччи ыһа.

  ТУУЙА.🤗


Хоһоон күрэҕин кыттыылааҕа Татьяна Егоровна Пудова

Ийэбэр

Сааһырдарбын даҕаны
Оҕо сааспын саныыбын
Ийэм кэрэ мичээрин,
Ыраас,сырдык хараҕын
Санаан ,ахтан кэлэбин,
Туоххаһыйан ылабын.
Ийэм истиҥ мичээрин
Бу баардыы көрөбүн,
Ийэм сылаас илиитин
Ытыстарбар тутабын.
Күндү киһим,ийэккэм
Күндү чомчуук кэриэтэ
Ыраас санаа иэйиилээх,
Үтүө тыллаах кэпсээннээх.
Сааһырдарбын даҕаны
Суохтуубун эбээт,ийэбин
Кини истиҥ мичээрин,
Ыраас,сырдык мөссүөнүн.