Центр культуры «Аан-Аартык»

Судаарыстыбаннас, туризм уонна урубаанньыт күнүгэр Улахан Аан нэҺилиэгэр араас элбэх өҥөнү оҥорооччулары киэҥ араҥаҕа таһааран сайыннарар сыаллаах соруктаах тэрээһини балаҕан ыйын 27 күнүгэр Аантур тэрилтэ салайааччыта Ефремова Наталья Анисимовна көҕүлээһининэн аан бастакытын ыытылынна. Туризм эйгэтиттэн ыҥырыллыбыт ыалдьыт урбаанньыт Александр Ариносов, о5ону патриотическай лааҕыры үлэлэтэр Андрей Артамонов эҕэрдэ тыл эттилэр. Нэһилиэк алгысчыта Зоя Афанасьевна Кононова аал уокка айах тутан сири уоту, мустубут дьону сэргэни алҕаата, нэһилиэк Дархан этээччитэ Иванова Зинаида Семеновна улахан түһүлгэ тэрийэн оһуохайы дуоратта. «Аан-Аартык» култуура киинин уус-уран салайааччыта Соломонова Марина Григорьевна үөрүүлээх тэрээһини иилээн-саҕалаан ыытта. Олохтоох мелодист Николай Семенов «Малдьаҕар сиэннэрэ Бөртөлөр буолабыт» өрөгөй ырыатынан тэрээһини аста. 2 Малдьаҕар нэһилиэгэр 40- тан тахса бэйэ дьарыктаах дьон кэлэн бэйэлэрин үлэлэрин көрдөрдүлэр, опыттарын сырдаттылар, атыы кутуу буолла. Аантур күөстэнэр сиригэр wellness пикник тэрийдэ-кэлбит ыалдьыттары кутааҕа буспут кус миининэн, собо миининэн, ыҺаарыламмыт собоннон уо.да.элбэх аһынан күндүлээтэ. Манна Лукина Татьяна Трофимовна, Македонова Вера Алексеевна күүс көмө буоллулар. Сарсыарда 11 чаастан күнүс 3 чааска диэри нэһилиэк маастардара Трофимова Р.М уонна Данилова Л.С. оҥоһуктарын аҕалан выставка тэрилиннэ, ТэрээҺин 4 сиринэн буолла. Офиска турдары презентациялара, барбекю зона5а Амвей компания уу фильтрын презентацията, Айкук иһиттэригэр буспут күстэх, собо, эт, плов дегустацията буолла. Ол кэнниттэн сынньанар дьиэ5э Рофэс доклиническай диагностика, эт-хаан чөл буоларын хааччыйыы туһунан кэпсэтии буолла. Балаҕаҥҥа ыҥырыллыбыт ыалдьыт аатырбыт гармонист Валерий Варфоломеев сахалыы нууччалыы ырыаны көҕүлээтэ, төгүрүччү олорон элбэх ырыа ылланна.

Күнүс 3 чаастан тэрээһин үөрүүлээх сабыллыытыгар Улахан-Аан талааннаах дьоно мустан улахан кэнсиэринэн түмүктэннэ. Кэрэ куоластаах күөрэгэйбит Александра Мордовская,

эдэр эрчимнээх ырыаһыттар Аламай, Замир Горохов, Айыы Уолун ийэтэ Марфа Самсонова, олохтоох мелодист Зоя Тимофеева уонна » Аан-Аартык» култуура киинин үлэһиттэрэ кыттыыны ыллылар.

Саха Өрөспүүбүлүкэтин Судаарыстыбаннаһын күнүгэр бу курдук туризм, урбаанньыт күнүн дьүөрэлээн олус көхтөөх тэрээһин буолан ааста.