Центр культуры «Аан-Аартык»

Судаарыстыбаннас күнүгэр «Урубаанньык күнэ»
Нэһилиэкпитигэр араас элбэх өҥөнү оҥорооччулары киэҥ араҥаҕа таһааран сайыннарар сыаллаах-соруктаах тэрээһини балаҕан ыйын 27 күнүгэр «Аантур» тур.база Ефремова Наталья Анисимовна салайааччылаах иилээн-саҕалаан тэриллиннэ. Манна ыалдьытынан Александр Ариносов эҕэрдэ тыл эттэ, нэһилиэк алгысчыта Зоя Афанасьевна Кононова аал уоту оттон, айах тутан алҕаата, оһуохайы нэһилиэк Дархан этээччитэ Иванова Зинаида Семеновна таһаарда. «Аан-Аартык» култуура киинин уус-уран салайааччыта Соломонова М.Г. үөрүүлээх тэрээһини иилээн-саҕалаан ыытта. Олохтоох мелодист Николай Семенов «Малдьаҕар сиэннэрэ Бөртөлөр буолабыт» өрөгөй ырыатынан тэрээһин саҕаланна. 2 Малдьаҕар нэһилиэгэр 40- тан тахса бэйэ өҥөтүнэн дьарыктанар дьон кэлэн бэйэлэрин үлэлэрин кэпсээтилэр, опыт атастастылар. «Аантур» база сүрдээх үчүгэй фуршет тэрийэн кэлбит ыалдьыттары минньигэс костерга буспут кус миининэн, собо миининэн, жареламмыт собоннон уо.да.элбэх аһынан күндүлээтэ. Манна Лукина Т.Т. күүс-көмө буолла. Сарсыарда 11 чаастан күнүс 3 чааска диэри атыы-тутуу, нэһилиэкпит маастардара Трофимова Р.М уонна Данилова Л.С. оҥоһуктарын аҕалан выставка тэриллиннэ,Амвей компания…
Күнүс 3 чаастан тэрээһин үөрүүлээх сабыллыытыгар Улахан-Аан талааннаах дьоно эҕэрдэ кэнсиэринэн түмүктэннэ. Кыттыыны ыллылар кэрэ куоластаах Александра Мордовская,
эдэр эрчимнээх ырыаһыттар Аламай, Замир Горохов, Марфа Самсонова, олохтоох мелодист Зоя Тимофеева уонна » Аан-Аартык» култуура киинин үлэһиттэрэ.
Саха Өрөспүүбүлүкэтин Судаарыстыбаннаһын күнүгэр бу курдук олус интэриэһинэй -көхтөөх тэрээһин ааста.