Центр культуры «Аан-Аартык»

Үгэскэ кубулуйбут сылын аайы ыытыллар «Аҕам саастаахтар күннэринэн» сүһүөхтээх бэйэбит сүгүрүйэн, хоолдьуктаах бэйэбит хоҥкуйан тураммыт, ис сүрэхтэн тахсар истиҥ эҕэрдэбитин Аан-Аартык култуура киинин аатыттан тиэрдэбит. Декаадабыт чэрчитинэн алтынньы 3 күнүгэр Пудова Татьяна Егоровна кыл сэлээппэни өрөргө, кылы бэлэмнээһиҥҥэ маастар кылаас ыытта. Алтынньы 5 күнүгэр «Учуутал» документальнай киинэ көрдөрдүбүт. Алтынньы 6 күнүгэр Васильева Светлана Владимировна иистэнэр массыынаннан оҕуруо тигэргэ үөрэттэ. Алтынньы 8 күнүгэр Кононова Варвара Иннокентьевна күрүчүөгүнэн атах таҥаһын тигиигэ маастар кылаас ыытта. Декаадабыт түмүгэр «Эдэр саас эргийбэт эриэккэс күннэрэ элэҥнээн аастаҕа түргэнин» сынньалан тэрээһин буолла. Олохтоох дьаһалта юбилейдаах ытык кырдьаҕастарга подароктарын, махтал суруктарын туттарда. «Кыымчаан» уһуйаан коллектива ветеран үлэһиттэригэр, юбилейдаах дьонноругар сэмэй бэлэхтэрин туттардылар. Баһаарынай чаас коллектива юбилейдаах дьонугар бэлэх туттардылар. Үөрүүлээх күнүнэн эҕэрдэ ырыаларын бэлэх ууннулар : 2 Малдьаҕар орто оскуола үөрэнээччилэрэ Сивцева Юлиана уонна Осипова Ильяна, Владимир Сметанин, Николай Семенов, Светлана Васильева , «Кыымчаан» коллектив фольклорнай композиция көрдөрөн, ыллаан эҕэрдэлээтилэр, элбэх оонньуулар буоллулар. Ытык Аҕам саастаах дьоммутун өссө төгүлүн бырааһынньыгынан эҕэрдэлиибит. Баҕарабыт эһиэхэ Аан дойду айылҕатыныы, өлбөт мэҥэ уутунуу өрүү чэбдик сылдьаргытыгар!