Быйыл Арассыыйаҕа дьиэ кэргэн,Өрөспүүблүкэҕэ,Хаҥаласпыт улууһугар оҕо сыла биллэриллибитэ.

04/04/2024
50
нет

Онно олоҕуран култуура миниистирэ Афанасий Ноев хас биирдии култуура кииннэрэ оҕону кыра эрдэхтэриттэн театр кэрэ эйгэтигэр сыһыарыах тустааххыт диэбитигэр олоҕуран,биһиги С.А.Григорьев аатынан «Аан-Аартык» култуура киинэ оскуола алын кылааһын үөрэнээччилэрин сүүмэрдээн 3 кылаас оҕолоругар кукольнай театр куруһуогун арыйан,бэлэмнээн( сал.Черемкина Р.А) муус устар 3 күнүгэр нэһилиэкпит «Кыымчаан» уһуйаан кырачаан көрөөччүлэригэр көрдөрөн бастакы хардыы оҥорон кэллибит. Кырачаан оҕолор олус интэриэһиргээн көрдүлэр, оонньуур «артыыстар» сүрдээҕин долгуйан, ис сүрэхтэриттэн кыһаллан оонньоотулар.
Куклалары «Клуб умельцев» куруһуокка сылдьар эдэр ийэлэр (сал.Голокова В.В) папье-маше техниканан оҥорбуттара.Декарациябытын кулууппут үлэһитэ Платонов А.С, музыкабытын таҥан оҥордо звукооператор Черемкин Е.И
Күүс-көмө,өйөбүл-тирэх буолбут дьоммутугар кылаас салайааччытыгар Калитина М.В уонна библиотекарбытыгар Трифонова А.В барҕа махталбытын тиэрдэбит.