Центр культуры «Аан-Аартык»

Үөрүүлээх күн үүммүтүнэн, саргылаах күн салаллыбытынан кулун тутар 6 күнүгэр Аан-Аартык култуура киинигэр Дьиэ кэргэн сылынан уонна Оҕо саас сылынан «Две звезды» сылын ахсын ыытыллар ырыа, үҥкүү күрэҕэ буолан ааста.
Дьүүллүүр сүбэннэн үлэлээтилэр:

• 2 Малдьаҕар орто оскуола воспитательнай завуһа А.П. Семенова
• Олохтоох мелодист, Хаҥалас улууһун мелодистарын чилиэнэ, Саха Республикатын үөрэҕириитин туйгуна, сыана ветерана Н.С. Семенов
• «Кыымчаан» уһуйаан иитээччитэ Ю.Н. Петрова
  -«Две звезды» көрүү-күрэх биир түһүмэхтээх, ол курдук күрэхтэһээччилэр бэйэлэрэ талан ылбыт ырыаларын ыллаатылар уонна кэрэ үҥкүүлэрин бэлэхтээтилэр.
  Дьүүллүүр сүбэ түмүгүнэн: -Иванна ийэтинээн Анна Львовна Мохначевскайдар дьиэ кэргэн «Лучшая пара» анал аат.
• Күннэй ийэтинээн Светлана Владимировна Васильевтар дьиэ кэргэн «Новые имена» анал аат.
• Айсаана ийэтинээн Софья Николаевна Николаевтар дьиэ кэргэн » Оригинальный дуэт» анал аат ыллылар.
• Эмилия ийэтинээн Эльвира Михайловна Кулачиковтар дьиэ кэргэн «Талант» анал аакка тигистилэр.
• Айсен аҕатынаан Замир Максимович Гороховтар дьиэ кэргэн » Лучшая танцевальная пара» анал аат.
• Вера ийэтинээн Айыына Александровна Лукиннар дьиэ кэргэн «Лучший голос» анал аакка тигистилэр.
• Алина ийэтинээн Александра Анатольевна Платоновтар дьиэ кэргэн «Көрөөччү биһирэбилэ» анал аат ыллылар.
• Талбан ийэтинээн Анна Николаевна Афанасьевтар дьиэ кэргэн Гран При номинация хаһаайыннара буолан ылбахай ырыаларынан кыайыыны ситистилэр.
  -Көрүү күрэҕи бэйэлэрин кэрэ үҥкүүлэринэн киэргэттилэр Лиза Осипова, Ванесса Кириллина, махтал буоллун!
  Дьүүллүүр сүбэ түмүк таһаарар кэмигэр кэлбит күндү көрөөччүлэрбитигэр «Угадай мелодию»; «Угадай фильмы»; » Угадай мультики» оонньуу ыыттыбыт. Муҥутуур кыайыылаах Айна Михайловна Олесова кыайыылаах тахсан Аан-Аартык култуура киинин аатыттан сэмэй подарок тутта.
  Кэрэ киэһээни киэргэппит дьиэ кэргэннэргэ, күндү күүтүүлээх көрөөччүлэрбитигэр кэрэ киэһэни киэргэппитэригэр баһыыба бастыҥа, махтал маанытын тиэрдэбит!
  Сырдыгынан сандаарар, сардаҥалаах сааһынан уруйдуубут-айхаллыыбыт! Эйэлээх олох туругурдун, үлэ-хамнас үөрүү үксээтин, өрөгөй үрдээтин!