Центр культуры «Аан-Аартык»

Россия Ийэлэрин күнүгэр «Ийэҕэ махтал» хоһоон айыытыгар куйаар ситимин нөҥүө күрэх кыттыылааҕа Вера Степановна Соломонова.

Ийэбит барахсаҥҥа

Уһун сыллар усталарыгар
Утуйбакка,сынньаммакка
Дьоһун дьон буоллуннар диэн
Бүөбэйдээн ииппитиҥ биһигини.

Сылаас,нарын илиилэргинэн
Биһигини бигээбитиҥ
Кэрэ,нарын ырыаларгынан
Биһиктээбитиҥ барыбытын

Көрсүө сэмэй бэйэҕинэн
Үөрэппитиҥ эн үгүскэ
Сырдык ыраас санааҕынан
Арыаллаабытыҥ суолбутун

Күҥҥэ тэҥнээх ийэбит
Ый курдук саныыр эбээбит
Олоҕун биһиэхэ анаабыт
Туохха да тэҥнэммэт киһибит

Сылдьарбыт тухары кини Сырдык сулустуу сыдьаайыа
Тыынарбыт тухары кини Тыыннаах курдук сылдьыһыа

В.Соломонова