Центр культуры «Аан-Аартык»

Саха норуота былыр былыргаттан кэрэчээн кыргыттары уустаан-ураннаан хоһуйара. Кыыс оҕону сааһын ситиэр, өйө санаата туруктаныар диэри сир симэҕин, таас иһит курдук харыстаан, бүөбэйдээн улаатыннараллара. Бүгүн ахсынньы 1күнүгэр «Подиум. Кыыс оҕо буоламмын» диэн 2 Малдьаҕар орто оскуолатын алын кылаас сүһүөх кыргыттарыгар көрүү күрэх буолан ааста. Күрэх 4 түһүмэхтээх. Кыргыттарбыт бэлэмнэммиттэр. Күрэх түмүгүнэн Бөртө Куо анал ааты ылла Глафира Габышева; Кэрэчээнэ Куо анал аат тигистэ Ангелина Лукина; Мичийээнэ Куо анал аакка тигистэ Айсаана Николаева; Нарыйаана Куо анал ааты ылла Карина Соломонова; Сайдыына Куо анал ааты ылла Кристина Тимофеева; Күннэйэ Куо анал ааты ылла Мичийээнэ Чехордун; Кэскиллээнэ Куо анал аат ылла Милена Иванова. Кыттыыны ылбыт кыргыттарбытыгар уонна төрөппүттэрбитигэр барҕа махтал