Центр культуры «Аан-Аартык»

Саха сирин бастакы президенигэр М.Е. Николаев төрөөбүт күнүгэр аналлаах «Саха бастакы президена Михаил Ефимович Николаев биһиги нэһилиэкпитигэр» сэтинньи 13 күнүгэр Аан-Аартык култуура киинигэр ахтыы киэһэтигэр араас кэмҥэ нэһилиэкпитигэр баһылыктыы, баһылык солбуйааччытынан үлэлии сылдьыбыт, Михаил Ефимовиһы кытта алтыспыт, үлэлээбит дьоммутун кытта истиҥ кэпсэтии буолан ааста. Ол курдук ыҥырыылаах ыалдьыттарбытынан буоллулар Иванов И.В.; Сысоев Г. Г.; Максимов А. С. уонна баһылык солбуйааччыта Иванов Н. В. кэлэн М.Е. Николаевтыын алтыһан үлэлээбиттэрин сырдатан кэпсээтилэр. М. Николаевка анаан хоһоон күрэҕин түмүгүнэн:

• 1-кы миэстэ Вера Соломонова -Күндүүнэ ;
• 2-с миэстэ Зинаида Иванова-Чөмчүүк;
• 3-с миэстэ Людмила Андреева-Өрүкүй сыдьаана Кыыча., кыайыылаах тахсаннар сэмэй бэлэҕинэн наҕараадаланнылар.

Марина Николаевна Васильева «Үйэ чулуу киһитигэр» суруйбут анабыл хоһоонун 10 кылаас уолаттара ааҕан иһитиннэрдилэр. Зинаида Иванова «Бастакы президеҥҥэ» суруйбут хоһоонун ааҕан иһитиннэрдэ .

Кэлбит ыалдьыттары кэрэ куолаһынан Марианна Григорьева «Сахам сирэ» диэн ырыаннан, «Дьүөгэлиилэр» үҥкүү бөлөҕө»Олоҥхо дьахтара» үҥкүүлэрин ууннулар.

Олохтоох модельнай бибилэтиэкэ үлэһитэ Трифонова Альбина Валерьевна бэлэмнээбит кинигэ быыстапката киирии фойеҕа турда, кэлбит дьон интэриэһиргээн көрдүлэр. «Бастакы президеннэ» В.Григорьев тылыгар, А.Егоров матыыбыгар хорунан түмүктэннэ. Кыттыыны ылбыт ыҥырыылаах ыалдьыттарбытыгар, оскуола үөрэнээччилэригэр махтанабыт!