Центр культуры «Аан-Аартык»

2015 сыллаахха Рф ыксаллаах быһыыга-майгыга министиэристибэтиттэн Сахабыт сирин баһаарынай чаастарыгар саҥа массыыналары аҕалбыттара. Хаҥалас улууһугар бэриллибити Улахан-Аанна анаабыттара. Техника эргэ гарааска кыайан баппат туруктааҕын иһин, олохтоох дьаһалта баһылыга Олег Валериевич Иринеев уонна Хаҥалас улууһун баһаары утары охсуһуутун салайааччыта Федор Михайлович Севостьяновтыын сүбэлэһэн, саҥа баһаарынай чаас гараастаах дьиэтин тутарга быһаарыммыттара. Манна көмөлөстүлэр Хаҥалас улууһун баһылыга Г.Ю.Алексеев уонна Ил Түмэн депутата Мамедов А. З.-Оглы өйөөтүлэр, көмөлөстүлэр.
2016 сыллаахха гараас тутуутун саҕалаан, бүтэрэн бу сэтинньи 20 күнүгэр үөрүүлээх аһыллыыта буолла. 7 нүөмэрдээх баһаары утары охсуһар чаас байыастара, суоппардара саҥа үлэлиир дьиэлэнэн, толору усулуобуйаланнылар. 7 нүөмэрдээх аҕыйах ахсааннаах баһаарынай чааска начальниктыын Абрамов М.П. барыта уон киһи, ол иһигэр биэс суоппар, биир солбук суоппар, түөрт караул начальнига үлэлииллэр, сменаҕа иккилии буолан тураллар, түүннэри -күнүстэри дежурствалыыллар. Үөрүүлээх баһаарынай дьиэ аһыллыыта алгыстан саҕаланна. Ыалдьыттарынан нэһилиэк аҕа баһылыга О.В. Иринеев, Хаҥалас улууһун баһылыгын бастакы солбуйааччыта Ф.А. Ноговицын, Саха сирин баһаары утары охсуһуутун салайааччытын бастакы солбуйааччыта Р.З. Босиков, Хаҥалас улууһун баһаары утары охсуһуутун салайааччыта Ф.М. Севостьянов уо.д.а. элбэх ыалдьыттар кэлэн , көрөн, үөрэн, дуоһуйан бар