Центр культуры «Аан-Аартык»

Бүгүн алтынньы 27 күнүгэр Ленинскэй Комсомол тэриллибитэ 105 сылыгар аналлаах «Эрчимнээх эдэр саас аргыһа» ырыа-хоһоон, ахтыы дьоро күнэ буолла. Бу күн эдэр сааһы, комсомоллаабыт кэмнэри ахтан-санаан аастыбыт. «Айар кут» литературнай куруһуок чилиэннэрэ комсомол туһунан бэйэлэрэ айбыт хоһооннорун аахтылар, элбэх комсомол, БАМ туһунан ырыалар караокенан, баянынан ылланнылар. Баяҥҥа доҕуһуоллаата Николай Семенов. Библиотека комсомолу билиигэ викторина ыытта. Викторинаҕа 1м ылла Н.С.Григорьева, 2м Н.С. Семёнов, 3м Т.Е. Пудова буоллулар. Кыайыылаахтар грамотаннан наҕараадаланнылар. Кэлбит ыалдьыттарбыт дуоһуйа сынньанан тарҕастылар.