Центр культуры «Аан-Аартык»

Бары кэлэн манна мустан
Эдэр саха ыччата
Бука бары биир кэккэ
Буолан туруо5ун
Бу ыллыыр ырыам тыллара
Кѳттүннэр куба буоланнар
Кеттуннэр ыраах са5ахха
Санаабын илдьэ,
Бу ыллыыр ырыам матыыба
Умайдын кутаа уота буолан,
Умайдын умуллубакка
Өссѳ күѳдьүйэн.

Бүгүн бэс ыйын 10 күнүгэр үѳрүүлээх күн үүннэ, ѳрѳгѳйдѳѳх түгэн тосхойдо! Биһигини күндүтүк саныыр, сүрэхпитигэр кини туһунан ѳйдѳбүлү куруук илдьэ сылдьар, киэн туттар биир дойдулаахпыт, ѳрүү ѳйдүү-саныы, күндүтүк саныыр, талааннаах Александр Самсонов –Айыы Уола ѳссѳ тѳгүл ырыа куттаах дьону муста, истин кѳрсүһүүнү тосхотто. Биһиги бары истиӊ махталбытын, дириӊ ытыктабылбытын Айыы Уолун ийэтигэр Марфа Иннокентьевна5а бүгүӊӊү түгэнинэн туӊанан ѳссѳ тѳгүл тиэрдэбит. Кини бу сыллар тухары уолун сырдык аатын, айымньылаах ча5ылхай оло5ун үйэтитэригэр туох баар күүһүн-сыратын, анаата.

Бу «Ийэ5э Махтал» диэн духуобунас сквера турбута, Александр Самсоновка анаммыт, кини оло5ун туһунан уус-уран киинэ уһуллубута, кини ырыаларын аудио-альбома тахсыбыта, киниэхэ анаммыт кинигэ суруллан бэчээттэммитэ, Дьокуускай куоракка, Покровскайга куоракка анал скамейка оӊоһуллубута.

Онтон бүгүӊӊү кѳрсүһүү А.Самсонов-Айыы Уола сырдык кэриэһин үйэтитэр сыалтан Дьокуускай куоракка стеллалаах- сквер тутуутун үбүлээһиӊӊэ аналлаах кѳмѳ акция үлэлэрэ ыытыллалларыгар ийэ күүһэ-санаата ууруллубута чахчы суол.

Аһымал акция кыттыыны ыллылар Саха эстрадатын сулустара, ол курдук Евгений Прокопьев, Николай Андросов, Леонид Анциферов, Георгий Белоусов уонна Саха Сирин блогер кыргыттара, ону таһынан нэһилиэк активистара.