Центр культуры «Аан-Аартык»

Ийэлэр күннэринэн биһиги нэһилиэккэ декада буолан ааста. Ол курдук алтынньы18 күнүгэр Архипова Ульяна Николаевна валянияҕа маастар кылаас ыытта. Алтынньы19 күнүгэр Васильева Светлана Владимировна оҕуруоҕа маастар кылаас ыытта. Алтынньы 19 күнүгэр «Аан-Аартык»КК «Ийэлэр бары кэрэлэр» көрүү күрэх бэрт тэрээһиннээхтик, көхтөөхтүк буолан ааста. Көрүү күрэххэ биэс ийэ кэлэн күөн көрүстүлэр. Ол курдук үтүө күммүтүн кэрэ сибэкки буолан киэргэттилэр Антонина Мекюрдянова, Светлана Васильева, Лена Харитонова, Марина Захарова, Анна Васильева кыттыыны ыллылар. Көрүү күрэх түөрт түһүмэхтээх барда. Боппуруостарга эппиэттээһин, кулинарнай күөн көрсүһүү, оҕуруо тиһээһинэ, пародия шоу. Ийэлэрбит олус диэн бэлэмнэммиттэрэ көстөр. Дьүүллүүр сүбэ күүстээх быһаарсыы кэнниттэн маннык түмүгү таһаарда: «Ийэлэр бары кэрэлэр» кыайыылааҕа буолла Анна Васильева, «Талба талаан»-Марина Захарова,»Өркөн өй»-Антонина Мекюрдянова, «Сандалы хотун»-Лена Харитонова, «Уран тарбах»-Света Васильева. Ийэ барахсан баар буолан бу орто дойдуга бары да чуопчаара, кэпсии-ипсии, үлэлии-хамсыы сырыттахпыт. Кини сүрэҕин сылааһынан олоҕу таптыыр аналлаахпыт диэн туран «Ийэлэр бары кэрэлэр» ийэлэргэ аналлаах тэрээһиммит түмүктэннэ. Күндү ийэлэрбитин, күрэх кыттыылаахтарын үөрүүлээх декаданы бэлэхтээбиттэригэр баһыыба бастыҥын, махтал маанытын аныыбыт.