Центр культуры «Аан-Аартык»

Олунньу 10 күнүгэр күнүс 11 чаастан «Үлэ уонна дьарыктаах буолуу» сылын нэһилиэк үрдүнэн үөрэн-көтөн эҕэрдэ нүөмэрдэрдээх, маастар кылаастаах, выставкалаах арыйдыбыт. Киэһээ 5 чаастан Розалина, Ирена Файрушиналар концертара буолан дьоммут-сэргэбит үөрэн, сынньанан бардылар.
Үлэлээх буолуу сыла -уустук кэм кэлбитин быһыытынан, нэһилиэнньэ үлэлээх буолуутун хааччыйыы, анал идэлээх үөрэхтээһини сайыннарыы уонна үлэ биэрээччилэр ахсааннарын элбэтии буолар. Биһиги нэһилиэккэ сүрдээх элбэх талааннаах дьон баарын билэбит. Ол курдук бу күн биэс маастар -кылаас буолла:
Эдэр кэскиллээх Мария Виссарионовна Васильева- туос томторукка уонна ситии быаҕа көрдөрдө.
Хаҥалас улууһун норуотун маастара, СР норуот уус-уран оҥоһуктарын маастара Светлана Петровна Павлова-дэйбиир оҥоһукка.
Нэһилиэкпит биир илиигэ баттанар иистэнньэн Светлана Владимировна Васильева-оҕуруо кистэлэҥэр.
Нэһилиэкпит биир бастыҥ иистэнньэнэ Зинаида Семеновна Иванова-кыбытык тигии.
Кистэлэҥ иэйиилээх Мария Николаевна Климентова-валяние по шерсти
Сүр.дээх элбэх киһи сылдьан бэйэлэрэ талан ылбыт көрүҥнэригэр сырыттылар, элбэххэ үөрэннилэр. Ону кытта нэһилиэкпит талааннаах дьонун выставката буолла. Элбэх дьон сэҥээриитин ылла . Кэлэн бу тэрээһиҥҥэ кыттыбыт дьоммутугар махтал сурук уонна туоһу сурук туттардыбыт.