Нэһилиэккэ өрө көтөҕүллүүлээхтик «Битва хоров» буолан ааста
- 06/11/2018
- 106
- нет
Сэтинньи 2 күнүгэр Аан Аартык культура киинигэр Улуу октябрьскай революция төрүттэммит Өктөөп бырааһынньыгын көрсө уонна Комсомол 100 сааһынан нэһилиэккэ өрө көтөҕүллүүлээхтик тэрилтэлэр икки ардыларыгар Битва хоров буолан ааста. Тэрилтэлэр күн аайы репетициялаан, бэлэмнэнэн кэлбиттэрэ көстөр. Көрүү күрэх икки түһүмэхтээх барда. Бастакы комсомол туһунан ырыа, иккис ырыалара бэйэлэрэ талбыт ырыаларын дьоҥҥо сэргэҕэ таһаардылар. Дьүүллүүр сүбэҕэ нэһилиэк бастыҥ ырыаһыттара дьүүллээтилэр ол курдук: Григорьев П.Г., Тимофеева З.А., Соломонова С. И. Түмүгэр 1м ыллылар Көмүлүөк түмсүү, 2м Кыымчаан детсад коллектива, 3м к/з Бөртө коллектива, 4м Школа коллектива, 5м олохтоох дьаһалта, дюсша, мчс холбоһуктаах коллектива таҕыста. Бары илии тутуурдаах үөрэн көтөн тарҕастылар. Манна санаан аастыбыт уос номоҕор сылдьар, норуот таптаан ыллыыр ырыаларын. Биһиги аҕа көлүөнэ дьоммутун кыайыыга, үлэҕэ кынаттаабыт айымньылары. Бу ылламмыт ырыалар биир сүрүн сыаллара- сиргэ эйэ, сомоҕолоһуу олохсуйарын туһугар! Кыттыыны 100 тахса киһи кэлэн кыттыбыт биир дойдулаахтарбытыгар барҕа махталбытын тиэрдэбит!
Комментарий читателей статьи "Нэһилиэккэ өрө көтөҕүллүүлээхтик «Битва хоров» буолан ааста"