Центр культуры «Аан-Аартык»

Бүгүн үөрүү, бүгүн дьол!

Оҕо аймах күнүн бэлиэтиир, ытык кэрэ-бэлиэ күн үүннэ!

Дьоллоох оҕо сааһы, сырдык халлааны, аламай маҥан күнү, дьоллоох кэрэ кэми баҕаран тураммыт, Аартыкка Оҕо оонньуур площадката үөрүүлээх күн тосхойбутунан, оҕолор эт-хаан өттүнэн сайдалларыгар, туһалаах, дьэрэкээн оҕо площадкатын Леонид Афанасьевич Пудов көҕүлээһининэн тутуллан бүтэн бүгүн бэс ыйын 1 күнүгэр үөрүүлээх быһыыга-майгыга аалай кыһыл лентаны нэһилиэк аҕа баһылыга А.С. Алексеев; нэһилиэк сайдыытыгар мэлдьитин күүс-көмө буолар уонна оҕо площадкатын туппут урубаанньык Л.А. Пудов уонна төрдүс кылааһы үчүгэйдик түмүктээбит, активист Никита Тапыев быстылар. Оҕолорбут дьарыктанар, оонньуур миэстэлэммиттэринэн, кэлэр кэнчээри ыччаттарбыт дьоллоох оҕо сааһы баҕаран туран эҕэрдэ кэнсиэрт, «Кириэс тэбии» оскуола оҕолоругар өбүгэ оонньуута буолла, ону таһынан кырачаан детсад оҕолоругар «Сахалыы таҥаска» күрэс уонна ыһыылаах- хаһыытаһыылаах «Хапсаҕас» күрэҕэ буолла.