Режим работы:
  • Пн-Вт: с 09:00 до 17:00
  • Сб: с 10:00 до 17:00
  • Воскресенье Выходной

Муниципальное учреждение культуры

Центр культуры «Аан-Аартык»

им.С.А.Григорьева

Меню навигации

Оцените нашу работу

Сканируйте QR-код или пройдите по ссылке

https://bus.gov.ru/info-card/252139

Театр сылын тyмyктyyр дьоро киэһэ

Сэтинньи 8 күнүгэр биhиги нэhилиэккэ Арассыыйаҕа театр сылын түмүктүүр киэhэбитигэр П.А. Ойуунускай аатынан Саха академическай театрын директорын солбуйааччыта, саха өрөспүүбүлүкэтин культуратын туйгуна, биир дойдулаахпыт Петр Тимофеевич Макаров ыҥырыыбытын ылынан нэhилиэгин олохтоохторугар уонна ыалдьыттарыгар дьоро киэhэни бэлэхтээтилэр.

Бу киэhэҕэ «Аан-Аартык» култуура киинин драматическай куруhуок салайааччыта Римма Александровна сыллаҕы ыытыллыбыт тэрээhиннэри иhитиннэрдэ. Олохтоох дьаhалта баhылыгын солбуйааччыта Александр Степанович Алексеев бэйэтин эҕэрдэтин тириэртэ. Петр Тимофеевич театр туhунан кэпсээтэ уонна илии тутуурдаах, өттүк харалаах кэлэн бэлэҕин олохтоох дьаhалтаҕа (Иринеев О.В.), оскуола (Сысоев Г.Г.), «Аан-Аартык» (Голокова В.В.) коллективыгар, модельнай билиотекаҕа ( Трифонова А.В.) туттарда. Кэлэр кэнчээри ыччаттарбытыгар саха норуотунай суруйаачыта Николай Лугинов «Кустук» уонна фронтовик суруйааччы Т. Сметанин төрөөбүтэ 100 сылынан «Лоокуут уонна Ньургуhун» испиктээкиллэрин артыыстар бэйэлэрин ис дууhаларыттан дьоҥҥо-сэргэҕэ тиийэр гына оонньоон, көрөөччү махталын ыллылар. Чахчы саха театрдаахпытын итэҕэттилэр. Артыыстарбытыгар айар үлэлэригэр өссө үрдүк ситиhиилэри, доруобай чɵл олоҕу баҕарабыт!

Комментарий читателей статьи "Театр сылын тyмyктyyр дьоро киэһэ"

  • Есть чем поделиться? Пишите в комментариях

Добавить комментарий

Ваш адрес email не будет опубликован. Обязательные поля помечены *